Дэлхийн Мал, амьтны эрүүл мэндийн байгууллагын шинжээчдийн баг Дорнод аймагт ажиллалаа.
Тус баг мал эмнэлгийн салбарын гүйцэтгэлд чадавхын үнэлгээ хийх зорилгоор энэ сарын 7-20-ны хооронд манай улсад ажиллаж байна. Тодруулбал, олон улсын шинжээчдийн баг Монголын мал эмнэлгийн салбарын гүйцэтгэлийн чадавхын үнэлгээг 2007, 2010, 2014, 2019, 2022 онд хийснээр Монгол Улс 2017 онд Мал, амьтны эрүүл мэндийн хуулийг шинээр баталсан байдаг.
Түүнчлэн Дэлхийн мал амьтны эрүүл мэндийн байгууллагын үндсэн дүрмийн шаардлагад нийцүүлсэн мал эмнэлгийн бие даасан тогтолцоог бий болгож, аймаг, нийслэлийн мал эмнэлгийн газар, сумдад мал эмнэлгийн тасаг байгуулсан юм.
Харин энэ удаад хөдөө аж ахуйн салбарын ажилтнуудын жендэрийн чиглэлээр болон бог малын мялзан, гахайн африкийн мялзан өвчинтэй тэмцэх, урьдчилан сэргийлэх үйл ажиллагаанд үнэлгээ хийж байна.
