Нийтийн тээврийн салбарт хийсэн цогц шинэчлэлтүүд үр дүнгээ өгч, зорчигчдын тоо 9.2 саяар, орлого 12.4 тэрбум төгрөгөөр нэмэгдсэн байна. Парк шинэчлэлтийн хүрээнд 600 автобус шинээр оруулж ирж, жолоочийн цалинг 1000 ам.долларт хүргэсэн бөгөөд автобусанд ухаалаг дэлгэц, үнэгүй интернэт, олон төрөлт төлбөрийн систем нэвтрүүлжээ.

Мөн 100 байршилд карт борлуулах, цэнэглэх киоск байршуулж, “Улаанбаатар смарт карт” ХХК-ийн 79 хувийг нийслэл эзэмшсэнээр орлого, зохицуулалтад шууд хяналт тавих боломж бүрдэв. Нийтийн тээврийг хөгжүүлэх сангийн зохицуулалтыг хуульд тусгаснаар 2024-2025 онд уг сангийн хөрөнгөөр 41 автобус худалдан авч үйлчилгээнд гаргасан байна.

Эдгээр шинэчлэлтүүд нийтийн тээврийн үйлчилгээний чанарыг сайжруулж, иргэдийн сонголтыг нэмэгдүүлжээ.

Эх сурвалж: НЗДТГ-ын хэвлэл мэдээлэл, олон нийттэй харилцах хэлтэс