Улаанбаатар хотын ерөнхий менежер бөгөөд Захирагчийн ажлын албаны дарга Г.Батзориг нийслэлийн есөн дүүргийн удирдлагууд болон инженерийн хангамж, авто зам, боловсрол, эрүүл мэндийн байгууллагуудын удирдах албан тушаалтнуудтай уулзалт хийлээ. Уулзалтын хүрээнд 2025–2026 оны өвөлжилтийн бэлтгэл ажлын явц, тулгамдаж буй асуудлуудыг байгууллага тус бүрээр хэлэлцэн, газар дээр нь судалсан байна.

Уулзалтын үеэр энэ өвөл нөхцөл байдал хүндрэх магадлалтай сургууль, цэцэрлэгийн барилга, орон сууцны гадна инженерийн шугам сүлжээ болон бохир усны насос станцын шинэчлэлд шаардлагатай зардлыг нийслэлийн төсвөөс шийдвэрлэхээр болов. Мөн газар чөлөөлөлт, тендерийн үйл явц удааширч байгаатай холбоотойгоор ажил гүйцэтгэлийг эрчимжүүлэх хуваарьт уулзалтуудыг зохион байгуулж, холбогдох байгууллагуудын уялдааг хангах чиглэл өглөө.

Эх сурвалж: НЗДТГ-ын хэвлэл мэдээлэл, олон нийттэй харилцах хэлтэс