Монгол Улсын Засгийн газар, Монголын Үндэсний Худалдаа Аж Үйлдвэрийн Танхим хамтран 24 дэх жилдээ “ТОП” ААН-ийг тодрууллаа. Энэ жил анх удаа төрийн болон хувийн хэвшлийн аж ахуй нэгжийг тусад нь эрэмбэлж шалгаруулсан бөгөөд Монгол Улсын 2024 оны топ 10 төрийн өмчит компанийг “Эрдэнэс Тавантолгой” ХК тэргүүллээ.
“Эрдэнэс Тавантолгой” ХК 2024 онд 30.4 сая тонн нүүрс олборлож, 3.0 тэрбум ам.долларын үнэлгээтэй 29.6 сая тонн нүүрс борлуулж, Монгол Улсын төсөвт 3.5 их наяд төгрөгийн татвар хураамж төлжээ.
Компани нь 2024 онд 4.5 их наяд төгрөгийн цэвэр ашигтай ажиллаж нийт хувьцаа эзэмшигч иргэн, аж ахуйн нэгжид 3.9 их наяд төгрөгийн ногдол ашиг хуваарилж, нүүрс баяжуулах үйлдвэр, Засгийн усны хоолой, Тавантолгойн нүүрс ачих логистикийн төв зэрэг томоохон төслүүдээ ашиглалтад оруулж улс орны нийгэм, эдийн засгийн өсөлтийг дэмжихэд томоохон хувь нэмэр оруулан ажиллаж байна.