Үндэсний статистикийн хорооны мэдээлснээр 2025 оны тавдугаар сарын 19-ний байдлаар Улаанбаатар хотод гол нэрийн хүнсний барааны үнэ өмнөх сараас 0.8 хувь, өнгөрсөн долоо хоногоос 0.04 хувиар өссөн үзүүлэлттэй байна.

Нийслэлд хонь, үхрийн махны үнэ буурсан бол ямааны махны үнэ 6.5 хувиар огцом өсч, нэг килограмм нь 13,982 төгрөгт хүрчээ. Харин сонгино 2.8 хувиар нэмэгдэж, 4570 төгрөгт хүрсэн бол өндөг, будаа, элсэн чихрийн үнэ тогтвортой байна. Шинэ сүүний литрийн үнэ 4775 төгрөг хэвээр байна.

Аймгийн төвүүдийн хувьд хонины мах 0.9 хувь, үхрийн мах 0.4 хувиар өссөн бол ямааны мах 1.3 хувиар буурчээ. Гурил, сүү, элсэн чихэр, будаа зэрэг барааны үнэ бага зэрэг буурсан бол боодол өвсний үнэ 6.6 хувиар өссөн үзүүлэлттэй байна.

Шатахууны үнийн хувьд ямар нэг өөрчлөлт ажиглагдаагүй бөгөөд A-92 бензин 2587 төгрөг, дизель түлш 3322 төгрөг хэвээр байна.

Эх сурвалж: Үндэсний статистикийн хороо