Жижиг, дунд үйлдвэрийг хөгжүүлэх сангаас (ЖДҮХС) 2025 онд хөнгөлөлттэй зээл авахаар шалгарсан аж ахуйн нэгжүүдтэй гэрээ байгууллаа. Тодруулбал, ХХААХҮ-ийн сайдын тушаалаар ЖДҮХС-ийн зээлийн эргэн төлөлтийн эх үүсвэрээс Төв аймгийн жижиг, дунд үйлдвэр, үйлчилгээ эрхлэгчдэд нийт 8 тэрбум төгрөгийн санхүүжилт олгохоор шийдвэрлэсэн байна.
Зээлийн цахим системд нийт 113 аж ахуйн нэгжээс 16.9 тэрбум төгрөгийн хүсэлт ирүүлсэн бол дэд хорооны шатанд 3.7 тэрбум төгрөгийн санхүүжилт бүхий 25 төсөл дэмжигджээ. Ийнхүү шалгарсан аж ахуйн нэгжүүдтэй ЖДҮГ-ын дарга Я.Эрдэнэсайхан энэ сарын 2-ны өдөр гэрээ байгуулсан байна.
Хөнгөлөлттэй зээлд хамрагдаж буй эдгээр төслүүд нь бүс нутгийн үйлдвэрлэл, үйлчилгээний салбарыг дэмжих, ажлын байр нэмэгдүүлэх, эдийн засгийн тогтвортой өсөлтийг хангахад чиглэсэн чухал алхам болж байгааг холбогдох албаныхан онцолж байна.
Эх сурвалж: Жижиг, дунд үйлдвэрийг хөгжүүлэх газар
