Азийн хөгжлийн банкнаас Монгол Улсын эдийн засгийн 2025, 2026 оны төлөвийн тайланг  /2025.04.09/ танилцууллаа. Монгол Улсын эдийн засаг 2025 онд эерэг байх төлөв гарчээ.  

2023 онд Монгол Улсын эдийн засгийн өсөлт ДНБ ийн 7.4 хувь байсан бол 2024 онд  4.9 хувь болж буурсан.  Энэ нь хөдөө аж ахуйн салбарын агшилтаас шалтгаалсан гэв. Гэхдээ эдийн засгийн өсөлт ирэх жилүүдэд өснө гэж таамаглажээ. .

2025 онд эдийн засгийн өсөлт 6.6 хувь, 2026 онд 5.9 хувьтай байх төсөөлөл гарчээ. Үүнд уул уурхайн өсөлт, үйлчилгээний өсөлт, Оюутолгойн гүнийн уурхайн олборлолт чухал нөлөө үзүүлнэ гэсэн байна.

2025 онд инфляци өндөр хэвээр байна. 2025 онд жилийн дунджаар инфляци 9.1 хувь, 2026 онд 7 хувь болох төлөв гарчээ.

Эдийн засгийн өсөлт эерэг байх ч сөргөөр нөлөөлөх хэдэн зүйл байна. Үүнд түүхий эдийн үнийн уналт, инфляцийн дарамт, худалдааны зөрчлөөс үүсэх дам нөлөөг онцолсон байна.