АНУ-ын Ерөнхийлөгч Дональд Трамп бүх импортын бараанд татвар ногдуулах шийдвэр гаргасны дараа Токиогийн хөрөнгийн бирж өнөөдрийн арилжаагаа уналтаар эхлүүллээ. Японы тэргүүлэх 225 компанийн хувьцааны ханшийн өөрчлөлтийг илтгэдэг "Nikkei" индекс 4.4 хувиар буурч, 34,138 нэгжид хүрсэн байна. Энэ нь 2024 оны наймдугаар сараас хойших хамгийн доод үзүүлэлт бөгөөд тухайн үед мөн АНУ-д хямрал дэгдэх болзошгүй нөхцөл үүсч, дэлхийн зах зээл хүнд байдалд орж байжээ.

Мөн автомашин үйлдвэрлэгчид энэ уналтад хүчтэй өртсөн байна. "Nissan"-ийн хувьцаа 5.99 хувиар, "Honda"-гийн хувьцаа 5.09 хувиар тус тус унажээ. АНУ-аас авсан хамгийн сүүлийн мэдэгдлээр импортын бүх бараанд 10 хувийн татвар ногдуулах ба Японоос оруулж ирдэг бүтээгдэхүүнд 24 хувийн татвар оноохоор болсныг Д.Трамп зарласан байна. Тус шийдвэр нь Японы экспортын зах зээлд сөргөөр нөлөөлж, хөрөнгө оруулагчдын итгэлийг сулруулж байгаа аж.

Эх сурвалж: TASS.