Гадаад харилцааны яамнаас НҮБ-ын Ази, Номхон далайн Эдийн засаг, нийгмийн комисс, НҮБ-ын Монгол дахь суурин төлөөлөгчийн газар болон Европын Холбооны “Монголын гадаад худалдааг дэмжих төсөл”-тэй хамтран “Монголын цахим худалдааны долоо хоног” арга хэмжээг 2025 оны 3 дугаар сарын 25-28-ны өдрүүдэд зохион байгуулж байна.
Арга хэмжээний хүрээнд НҮБ-ын болон үндэсний экспертүүд дараах сэдвээр илтгэл, сургалтуудыг танилцуулж байна:
-
Монгол Улсын цахим худалдааны орчныг сайжруулах
-
Хил дамнасан худалдаанд блокчэйн технологийг ашиглах боломж
-
Бусад улс орны цахим худалдааны туршлага, практик
Энэхүү арга хэмжээнд гадаад худалдаанд оролцдог төр, төрийн бус байгууллагууд болон цахим худалдааны чиглэлээр үйл ажиллагаа эрхэлдэг 70 гаруй байгууллагын төлөөлөл оролцож байгаа бөгөөд мэдээлэл солилцох, туршлага хуваалцах чухал платформ болж байгааг зохион байгуулагчид онцолж байна.
Эх сурвалж: Гадаад харилцааны яам.
