Монгол түмний уламжлалт сар шинийн баярыг угтаж "Эрдэнэс Тавантолгой" ХК 2024 оны ногдол ашгийнхаа хоёр дахь хэсгийг хувьцаа эзэмшигчдэдээ олгож эхэллээ.

Тус компани 2023 онд 30.4 сая тонн нүүрс олборлож, 29.6 сая тонн нүүрс борлуулан, 4.5 их наяд төгрөгийн цэвэр ашигтай ажиллажээ. Үүний үр дүнд нийт хувьцаа эзэмшигчдэд ногдол ашиг хуваарилах боломж бүрдсэн байна. Компанийн Төлөөлөн удирдах зөвлөлийн (ТУЗ) шийдвэрийн дагуу 2024 оны цэвэр ашгаас 1072 хувьцаатай иргэнд 350 мянган төгрөгийн ногдол ашгийг гурав хуваан олгохоор шийдвэрлэжээ.

Эхний удаагийн ногдол ашгийг 2023 оны арванхоёрдугаар сард тарааж, 1072 хувьцаатай иргэн бүрд татварын дараах дүнгээр 121,500 төгрөг олгосон.

Харин хоёр дахь удаагийн ногдол ашиг өнөөдрөөс 100,006 төгрөгөөр хувьцаа эзэмшигчдийн дансанд орж эхэлсэн бөгөөд гурав дахь удаагийн хуваарилалтыг 2024 оны дөрөвдүгээр сард хийхээр төлөвлөж байна.

Эх сурвалж: "Эрдэнэс Тавантолгой" ХК