Хүнс, хөдөө аж ахуй, хөнгөн үйлдвэрийн яам (ХХААХҮЯ) Дэлхийн банкны санхүүжилтээр хэрэгжүүлж буй "Мал аж ахуйн эдийн засгийн эргэлтийг нэмэгдүүлэх" төслийн хүрээнд "Шинэлэг шийдэл" хөтөлбөрийн үр дүнг түгээн дэлгэрүүлэх, тогтвортой байдлыг хангах, хамтын ажиллагааг өргөжүүлэх зорилгоор Дархан-Уул аймагт хэлэлцүүлэг зохион байгуулж байна.

Тус арга хэмжээг ХХААХҮЯ-ны Төрийн нарийн бичгийн дарга Т.Жамбалцэрэн нээж үг хэлсэн бол төслийн зохицуулагч Л.Баяртулга "МАА-н ЭЗЭН" төслийн танилцуулга, арга хэмжээний хүлээгдэж буй үр дүн болон "Цахим хоршоо" төслийн талаар мэдээлэл өгчээ.

Энэхүү хэлэлцүүлэг нь мал аж ахуйн салбарын эдийн засгийн өсөлтийг дэмжих, шинэлэг шийдлүүдийг түгээн дэлгэрүүлэх, оролцогч талуудын хамтын ажиллагааг өргөжүүлэхэд чухал ач холбогдолтой гэж ХХААХҮЯ-наас мэдээллээ.