Нэг сая гаруй ам.долларын криптовалют эзэмшдэг хүний тоо өнгөрсөн нэг жилийн хугацаанд бараг хоёр дахин (95 хувиар) нэмэгдсэн тухай зөвлөх үйлчилгээ үзүүлэгч “Henley&Partners” компаниас гаргасан “Crypto Wealth Report” судалгаанд дурджээ.
Тодруулбал, 2024 оны зургаадугаар сарын эцсийн байдлаар криптовалютын саятнуудын тоо 172.3 мянга болсон байна. Тэдний дотор 85 мянган хүн биткойны саятан болсон нь жилийн өмнөхөөс 111 хувиар өссөн үзүүлэлт юм. Сүүлийн нэг жилийн хугацаанд криптовалютын зургаан тэрбумтан шинээр “төрж”, одоо тэдний тоо 28 болжээ.
Өнгөрсөн нэг жилийн хугацаанд биткойны үнэ 2.4 дахин өссөн байна. Мягмар гаргийн арилжааны үеэр криптовалют 62.5 мянган ам.долларын үнэтэй байв.
