Энэ оны эхний хагаст томоохон Төв банкнууд 483.3 тонн алт худалдан авчээ.

400 унц алтан гулдмайн үнэ анх удаа нэг сая ам.доллар давлаа. Өнгөрсөн баасан гарагт алтны үнэ унц нь 2500 ам.доллар давж, шинэ дээд түвшинд хүрсэн нь үүнд голлон нөлөөлсөн байна.

Төв банкнуудын алт худалдан авалт энэ онд эрчимжиж, АНУ-ын Холбооны Нөөцийн банк бодлогын хүүгээ бууруулах хүлээлт үүссэн зэрэг нь алтны үнэд дэмжлэг болж байна. Тухайлбал энэ оны эхний хагаст томоохон Төв банкнууд 483.3 тонн алт худалдан авчээ.

Алтны үнийн өсөлт үргэлжилснээр унц нь 2700 ам.доллар хүрч магадгүй гэж “TD Securities”-ийн шинжээчид тооцоолж байгаа аж.  Мягмар гарагийн байдлаар унц алт 2505 ам.доллар орчимд арилжаалагдаж байна.