Мандалговь, зургаадугаар сарын 20 /МОНЦАМЭ/. Дундговь аймгийн УЦУОШТ-өөс 6 дугаар сарын 20-21-нд тус аймгийн нутгаар цаг агаарын аюултай үзэгдэл болохыг анхаарууллаа.
Тодруулбал, өнөө шөнө 6 дугаар сарын 20-21-нд шилжих шөнө нутгийн хойд хэсгээр хүйтэн бороо орж, харин маргааш 6 дугаар сарын 21-нд тус аймгийн нутгаар, ялангуяа нутгийн зүүн хэсгээр салхи баруун хойноос секундэд 28 метр, зарим үед 34 метр хүрч, аюулт үзэгдэл болох төлөвтэй байна.
Тиймээс хол замд гарахгүй байх, тээврийн хэрэгслийн бүрэн бүтэн байдлыг хангах, малаа ойр бэлчээх, бага насны хүүхдийг малд явуулахгүй байх, цаг агаарын мэдээ мэдээллийг тогтмол сонсож, бусдад түгээн сонор сэрэмжтэй байхыг анхааруулжээ.
