Хүн төрлөхтний технологийн дэвшил, ирээдүйн талаарх дүгнэлтээ тов тодорхой хэлдэг эрдэмтэн Рэй Курцвейл.

Рэймонд Курцвейл бол футурологч, зохион бүтээгч, Google компанийн техникийн захирал юм. Тэрээр 7  ном бичиж, 20 докторын зэрэг хамгаалсан, олон тооны нэр хүндтэй шагналт хүртэж байсан өнөө цагийн гарамгай хүмүүсийн нэг.

Тэрбээр таблетийн сканерыг мөн хараагүй хүмүүсийн унших машиныг бүтээгч юм. Сөн хиймэл ой ухааны ажилд онцгой дэвшилт гаргасан нэгэн.

Энэ бүгдийн зэрэгцээ, технологийн дэвшил, бидний ирээдүйн талаар дүгнэлтээ хийдэг зөнч чадвараараа Рэй Курцвейл алдартай.

"Курцвейл  бол ирээдүйг жинхэнээр хэлдэг хүмүүсийн шилдэг нь юм. Гайхамшигтай авъяас” гэж эрдэмтний тухай Билл Гейтс ярьсан байдаг.

Өнгөрсөн зууны 90-ээд онуудаас Курцвейл ирээдүйг хэлдэг болсон ба түүний хэлж байсан нь аймаар зөв болж таарсан байдаг. Тэр технологийг ийм сайн мэддэг, хүн төрлөхтөн хаашаа эргэхийг хэрхэн мэдэрнэ вэ гэдэг нь таавар чигээр үлдэж буй.

Түүний биелэгдсэн таамгууд:

1998 он - компьютер шатрын дэлхийн аваргыг хожино (IBM компанийн Deep Blue компьютер тэр үеийн дэлхийн аварга Гарри Каспаровыг хожжээ).

2000-аад оны эхэн – экзо араг яс тахир дутуу хүмүүст явах боломжийг өгнө (Ерээд оны сүүлчээр цэргийнхэн экзо араг яс гэдгийг бүтээсэн нь анхны бионик хиймэл эрхтнүүдийг гарган ирлээ).

2009 он – хүмүүс компьютер ба смартфонд дуун тушаал өгдөг болно (дуун туслах Siri гарч ирлээ).

2009 он – виртуаль бодит байдлын ертөнцөд нэвтрэх нүдний шил бүтээгдэнэ (Google Glass нүдний шил 2011 онд зах зээлд гарчээ).

2010 он – компьютерууд интернэтийг ашиглан  асуудалд хариулдаг болно.

2010 он – ширээний компьютер эсвэл смартфоны тусламжтайгаар хэлний орчуулгыг бодит цагийн дэглэмээр хийдэг болно (Google-ийн орчуулагч Skype Translator, Word Lens стартапын орчуулагч гарч ирсэн).

Ойрын ирээдүйд: 

2020 – виртуаль бодит байдлын нүдний шил зургийг нүдний торлог бүрхэгчид шууд буулган визуаль оролцоог харьцангуй үр дүнтэй болгоно.

2020 он – анагаах ухааны эриний цөмрөлт хигдэнэ. Нанороботуудыг хүний биед оруулан вирусуудыг сөнөөлгөдөг болгон олон өвчнийг ялна. Замууд жолоочгүй машинаар дүүрнэ.

2030 он – виртуаль бодит байдал нь бодит амьдралыг бараг сольж эхлэнэ. Сэтгэл мэдрэмжийн бүрэн дүүрэн байдал хангагдана.

2040 он – хиймэл ой ухаан хүний тархинаас бараг нэг тэрбум дахин илүү гарна.

2045 он – бид бичил компьютерийг суулгуулснаар  өөрсдийн мэдлэгээ эрс нэмэгдүүлнэ. Гайхамшигтай ой ухаан, ямар ч мэдээллийг хэдхэн секундын дотор боловсруулан судлах чадвартай болно.

М.Цогт