УИХ, Засгийн газрын тогтоолын  дагуу төрийн өмчит компаниудын 34 хүртэлх хувийг олон нийтэд санал болгон, нээлттэй компани болгох жагсаалт гарсан. Тус шийдвэрийн хүрээнд “Монголын Хөрөнгийн Бирж” ТӨХК нь төрийн өмчит бусад компаниудыг түүчээлэн 2022 оны 12 дугаар сард нийт хувьцааныхаа 34 хувийг нийтэд санал болгон, олон нийтийн компани болсон байна.  

Хувьцаа эзэмшигчдийн бүтэц шинэчлэгдсэн. Мэдээллийн ил тод байдал, ашигт ажиллагаа, компанийн засаглалыг сайжруулах төр засгийн оновчтой бодлогын үр дүнд Монголын Хөрөнгийн Бирж анх удаа хувьцаа эзэмшигчиддээ ногдол ашиг хуваарилахаар болсныг "Монголын хөрөнгийн бирж" ХХК-ийн захирал Т.Хаш-Эрдэнэ хэлсэн байна.

“Монголын Хөрөнгийн Бирж” ХК-ийн ТУЗ 2024 оны хоёрдугаар сарын 16-ны өдөр хуралдаж, компанийн 2023 оны жилийн эцсийн аудитын өмнөх санхүүгийн тайлангийн татварын дараах цэвэр ашиг болох 8 тэрбум 699 сая 165,845 төгрөгөөс нийт 4,349,252,518.99 төгрөгийг, нэгж хувьцаанд 12 төгрөг 41 мөнгөөр тооцож ногдол ашиг хуваарилахаар шийдвэрлэжээ.