Уулзалтын эхэнд МҮХАҮТ-ын дэд захирал Ц.Магнайбаатар, Элчин сайдыг итгэмжит жуух бичгээ өргөн барихын сацуу уулзалт хийж байгаад талархаад МҮХАҮТ-ын үйл ажиллагаа, цаашдын боломжит хамтын ажиллагааны гарц, экспортлох боломжит бүтээгдэхүүний талаар танилцууллаа.
Мөн хоёр улсын худалдааны эргэлтийг сэргээхэд бүхий л талаараа дэмжлэг үзүүлэхээ илэрхийлээд Сирийн ХАҮТ-тай холбоо тогтооход дэмжлэг үзүүлж ажиллахыг Элчин сайдад уламжиллаа.
Элчин Сайд ноён Хасанеин Хаддам, Хоёр орны худалдаа, эдийн засгийн салбар, тэр дундаа хөдөө аж ахуйн салбарт илүү хөгжих, хамтран ажиллах боломж байгааг дурдаад, танхимтай цаашид хамтын ажиллагаагаа өргөжүүлэн, Монгол Улс руу өндөр чанарын оливийн тос, бүх төрлийн жимс, жимсгэнэ экспортлох сонирхолтой байгаагаа илэрхийлэв.
Мөн хоёр улсын эдийн засгийн харилцааг хөгжүүлэх үүднээс Монгол Улсад Арабын Бүгд Найрамдах Сири Улсын төлөөлөгч ноён Амээн-г томилон ажиллуулж эхэлсэн байгаагаа дурдлаа.
Уулзалтад 2 дугаар нарийн бичгийн дарга Фади Вассуф, Элчин сайдын туслах Ван Жин, ноён Амээн нар байлцлаа.
