Үүний тулд яах вэ? гэж үү. Зүгээр л төсвөө бодитой төлөвлө, зардлаа бууруул, тэгээд төрийн өмчийн компаниудын 34 хувиас илүүг нь хувьчил, иргэддээ хувьцаа болгож тараа. Иргэд хувь, хувьцаатай, өмчтэй болчихвол төрийг хэзээ ч одоогийнх хулгай, луйврын сүлжээ болгохгүй. Хяналтаа өөрсдөө тавиад явчихна.

Хоёр сонгууль дараалаад парламентын гадна хаягдчихсан сөрөг хүчний намд ямар боломж байдаг вэ? Монголчуудын ярьдгаар “хэл, тангалаа” хоёр л бий. Дээр нь нэмээд эргэж буцахгүй, ухарч няцах боломжгүйгээр төлөвлөсөн тогтвортой бодлого, түүнийгээ бат нот ойлгосон, хэрэгжүүлэх чадамжтай хүний нөөц.

Арванхоёрдугаар сарын 9, 10-ны өдрүүдэд Сүхбаатарын талбайд жагсагчид гарч ирэх бэлтгэлээ базааж байгаа нь үнэн бололтой. Эрх баригчид энэ байдлыг мэдэхийн дээдээр мэдэж байгаа. Тиймээс урьдчилан сэргийлэх вакцин нь “Мартаж үл болно” жагсаал байхыг ч үгүйсгэхгүй.

Нетаньяху эдийн засгийн бодлогоороо улс орныхоо эдийн засаг–санхүүг өөд татсан юм. Инфляцийг бууруулж чадсан, төсвийн алдагдлыг зогсоосон. Жил бүр өндөр технологи нэвтрүүлэхэд 1 тэрбум ам.доллар төсөвлөдөг болсноор тус орон мэдлэгт суурилсан эдийн засгийн анхдагчийн нэг болжээ.

Машины гарыг Л.Оюун-Эрдэнэ гэдэг хүн атгаж байна. Тэр машинаас үсэрсэн цус нь Б.Энхбаяр гишүүн өөрөө боллоо. Ядаж Х.Нямбаатар нь байсан бол яая гэх вэ, ойлгоно.

Соёл иргэншлийн тулгын чулуу нь хөдөлмөрийн хуваарь. Нүүдэлчин малчид шиг бүхнийг өөрөө хийгээд өөртөө зориулахын эсрэг үзэгдэл. Хүн чаддагаа хийж, түүнийгээ бусдад зориулаад, үр шимээр нь өөрийгээ тэтгэх. Ингэсний хүчээр л төл бойжуулдаг нь малаа өсгөж, эрдэмтэн нь харьцангуй онолоо нээж, инженерүүд нь сансрын хөлөг бүтээх боломж гарсан бөлгөө. Улмаар, тариагаа өөрөө зарах, торгоороо өөрөө дээл оёх, өндгөө, махаа хэрэгтэй хүнд нь аваачиж өгч идүүлэхээс тэднийг чээнжүүд буюу дундын зууч нар чөлөөлж.

Хэрвээ Л.Гантөмөр тэднийг “Аа, чи муу Женко” гээд өш хонзонгийн нүдээр харвал тэр хүмүүс Женко руугаа л явна, С.Эрдэнэ юм байна аа гэж харвал бас С.Эрдэнэ лүүгээ явна. Тэднийг задлах биш, эвлүүлж нэгтгэх нь энэ хүний бодлого, ажил хэрэг байх аа.  

Малчдыг 100 хувь биеийг нь даалга! ОБЕГ өвс тэжээлийг нь зөөж өгөхгүйгээр нэг өвлийг туулуулаад үзэх хэрэгтэй. Тэд арьс мах, тархи толгой, мал сүргээрээ мэдэрч дараа дараагийн өвлүүддээ бэлтгэх болно...

Сандал суудлыг нь нэмээд, хүн бүхэнд нэртэй устай өмчлөөд, хааны сэнтий шиг бэлдээд өгөхийн оронд харин сандал нь хүрэлцдэггүй, үндсэндээ 50 суудал дутуу, одоогийн 76 суудал нь хэвээрээ байвал яасан юм бэ. 126 гишүүн тангараг өргөж шинэ парламент анхны хуралдаанаа эхлүүлэхдээ нэг гишүүний суудлын хажууд сандал тавиад өөр гишүүнийг суулгах, нэг ширээнд хоёроор биш гурав дөрвөөрөө суух, хэрэв хуралдаанаас хоцорвол суудалгүй үлдэж зогсдог, кноп дарах санал өгөх эрхгүй болдог ийм жишиг рүү орвол үр дүнтэй мэт бодогдох юм. Учир нь ийм жишиг дэлхийд бий.

Тэр үедээ л зөвлөлтүүд Монголыг Бүгд Найрамдах Улс болгон тунхаглахаар нэгэнт шийдсэн бололтой. Бээжинд гарын үсэг зурахаас яг 10 хоногийн өмнө 1924 оны тавдугаар сарын 20-нд VIII Богд хаан Нийслэл хүрээнээ таалал төгсөв. Цаг давхцсан энэ үед Монголыг Хятадын салшгүй нэг хэсэг гэсэн Бээжингийн хэлэлцээр ба Бүгд Найрамдах Улс болгон яаралтай өөрчлөх шаардлагын үүднээс үхэв бололтой.

Монгол даяар фермер, жижиг аж ахуй хөгжсөн, хүн бүр мөнгө хийх гэж гүйлдсэн диваажин бий болно.

Ядаж л алба хаагчдынхаа, офицер ахлагчдынхаа ажил, амьдралын нөхцлийг эргэж хар. Ар гэртээ асуудалтай, сэтгэл санаа нь тогтворгүй болчихсон, албандаа дургүй хүн ард түмний хүүхдийг хүмүүжүүлнэ гэж байхгүй. Цэргийн алба гэдэг үүрэх ёстой ял биш, үүрэг хариуцлага, хүмүүжил, боловсрол шүү дээ.

Хот гэдэг айл МАН-ын дарга нарын цаг тоололд ширвэгдээд дууслаа. Шинэ тоолол эхлэх бүрд бидний амьдрал 20, 20 жилээр ухарч байна. Эрүүл мэндээрээ, амь насаараа төлбөрийг нь төлж байна.

Аргентинд эдийн засаг дахь төрийн оролцоо гүнзгийрч, инфляцийн түвшин 100 хувийг давах нь хэвийн үзэгдэл болсноос жирийн иргэд нь чөлөөт зах зээлийн төлөөх нэр дэвшигч рүү ханарчээ.

Шашныг дотроос нь сахил санваараар хашиж, Төрийг гаднаас нь хууль цаазаар засдаг. Хүмүүн бодгалыг дотор сэтгэлийн чанар байдлын талаас нь шашны суртлаар засна, гадна биеийн ёс байдлыг гаднаас нь төрийн цаазаар засна...

Ардчилал, хууль, татвар гурваар Монголыг нийгмийг Азийн бар улс байтугай болгочих байсан “алтан цаг зав”-аа бид алдчихаад муугаа үзэж яваагийн тод жишээг би бичиж байна. Ганц жишээ, авто замын түгжрэл бууруулах сайдыг томилж, Үндэсний хороо ажиллуулж байгаа явдал.

Г.Сайханбаяр сайд сайн цэрэг байж болох ч батлан хамгаалах салбарт шинэ сэргэлт хийх хүн гэдэгт олон нийт итгэхгүй байна. Энгэр дүүрэн одонгуудын чинь цаана хөгц чийгтээ нэвчсэн спортын заал шиг чинь хуучирсан салбар нуугдаж байна.

Монголд шударга ёсны төлөө тэмцэл яваад байгаа юм биш. Монгол баялгийн хараал хүрчихээд байна. Баялгийн хараал хүрсэн тэр цагаас эхлэн янз бүрийн “шударга ёс” төрж, түүнийг дагасан улс төрийн бүлгүүд бий болсон.

Цэргийн анги, байгууллагууд иргэдэд нээлттэй болох ёстой. Цэргийн ангийг иргэнээ тэсвэр хатуужил, амьдрах чадварт сургах газар болгомоор байна.

Хүлээгээд ирдэггүй, ирлээ ч багтдаггүй нийтийн тээвэртээ гоё, сайхан амлалт, мөрөөдлөө хэрэгжүүлтэл, хулгайчдынхаа учрыг олтол микро автобусаа явуулж байя, эрх баригчид аа.