Манай яамд, төрийн агентлагууд үе үе бидэнд шинэ шинэ сюрприз барьдаг болсоор удлаа. Тухайлбал, өчигдөр Хууль зүй, дотоод хэргийн яамны төрийн нарийн бичгийн дарга С.Билгүүн Ц.Нямдорж сайдын ШШГЕГ-аас 360 сая төгрөгөөр худалдаж авсан Lexus 570 маркийн машины талаар мэдээлэл хийлээ.
Ингэхдээ “ШШГЕГ нь сүүлийн зургаан жилийн хугацаанд улсын төсвийн хөрөнгөөр машин худалдаж аваагүй байсан. Туслах үйл ажиллагаанаас олсон болон давсан орлогоороо машин авсан. 1,567,400,000 сая төгрөгөөр 29 ширхэг машин худалдаж авснаас зөвхөн нэгийг нь онцолж яриад байна" хэмээн зэмлэв.
Мөн соошлаар “Лотус голд майнинг” компанийг хар тамхи, мафитай холбоотой мэтээр гүтгэсэн тул компани энэ асуудлыг шалгуулахаар цагдаагийн байгууллагад хандсан гэлээ.
Ингэхэд иргэн Т.Мэндсайханы нийгмийн сүлжээнд тавьсан Ц.Нямдорж сайдын "Lexus 570" маркийн машиныг хэрхэн худалдаж авсан тухай мэдээлэлдээ "Лотус голд майнинг" компани нь хар тамхины наймаатай холбоотой гэсэн үг, өгүүлбэр хэлээгүй. (Ц.Нямдорж сайдын “570” ба дипломатуудын хар тамхины хэрэг) Харин уг машиныг ОХУ-аас өөрийн нэр дээр худалдаж авсан Т.Мөнхбат нь (Улаан-Үд хот дахь Ерөнхий консулын газрын худалдааны атташе) хар тамхины хэргээр хоригдож, ХБНГУ-д шүүх хурал нь болж байгаа гэсэн билээ. Мөн Т.Мөнхбат нь ШШГЕГ-т "Lexus 570" маркийн автомашиныг худалдахдаа "Лотус голд майнинг" компанийн нэр дээр худалдах, худалдан авах гэрээ хийсэн байна аа гэж.
Тэгээд ч "Лотус голд майнинг" компани нь хар тамхины хэргээр хоригдож байгаа Т.Мөнхбаттай ямар холбоотой вэ? гэдэг талаар одоохондоо хэн ч юу ч хэлээгүй байна.
Тэгэхээр нэгдүгээрт, "Лотус голд майнинг" компанийг хар тамхины хэрэгт холбогдуулан гүтгэсэн гэдэг ХЗДХЯ-ны Төрийн нарийн бичгийн даргын мэдэгдэл худлаа болж байна. Гүтгэсэн байлаа гэхэд яам өмнөөс нь мэдэгдэл хийх ямар шалтгаан байна? Харин ч энэ компанийг шалгаад өгөөч ээ... гээд сууж байх ёстой хүмүүс нь биш үү? Эсвэл хар тамхины наймаа хийхийн тулд бас ХЗДХЯ-наас зөвшөөрөл авдаг болчихсон уу?
Б.ЗАЯА
Холбоотой мэдээ:
Сэтгэгдэл (3)