Монгол Улсад анх удаа олон улсын стандартад нийцсэн спорт авиралтын хана барих шавыг тавилаа. Энэхүү авиралтын ханыг Говь-Алтай аймгийн Тонхил суманд байрлуулах аж.
Тус авиралтын хана барих ажлыг уулын спортын ууган мастер Я.Жанцангийн нэрэмжит “Сутайн бор” клубынхэн санаачлан зохион байгуулж, гүйцэтгэх компаниар “Нягт холбоо” ХХК-ынхан ажиллахаар болжээ.
Энэхүү байгууламж нь олон улсын стандартад нийцсэн гурван ээлжээс бүрдэх юм байна. Эхний ээлжид спорт авиралтын хурдны хос зам, техникийн авиралтын хана баригдах юм байна. Хоёрдугаар ээлжид боулдрингын хана, нэмэлт зарим тоноглол, тохижилтын ажил хийгдэх бол гуравдахь ээлжид мөсөнд авиралтын хурд болон техникийн хана барихаар төлөвлөжээ. Уулын спортын энэхүү төрөл нь Токиогийн зуны олимпийн төрөлд энэ жилээс албан ёсоор багтаад байгаа юм.
