Монгол улсаас анх удаа эр зоригийн шалгуур, автоспортын олимп гэгддэг "Дакар ралли" уралдаанд ОУХМ Ө.Бямбадэлгэр, Ө.Бямбацогт нар багаараа оролцож түүхэн амжилт үзүүллээ.

Өмнөд Америкийн Перу улсын нутагт 10 өдөр үргэлжилсэн “Дакар Ралли 2019” уралдаанд манай тамирчид 10 үеийн дараах байдлаар нийлбэр дүнгээр автомашины төрөлдөө 32 дугаар байрт шалгарсан бол UTV open ангилалдаа гуравдугаар байр эзлэн медалиа гардан авлаа. 

Ийнхүү авто спортын дээд ангиллын 41 дэх удаагийн "Дакар Ралли" өндөрлөлөө. Монголчууд  "Дакар ралли"-д 2013 оноос анх удаа мотоциклийн төрөлд уралдаж эхэлсэн юм. 

Энэ жил анх удаа "Дакар ралли"-д Монголоос спортын сэтгүүлч Б.Онон ажиллаж, газар дээрээс нь сурвалжлага бэлтгэн хүргэж байсан нь тэмжээнийг бодитоор мэдрэх боломж олгосон юм.

Монголын баг дэлхийн шилдгүүдтэй эн тэнцүү уралдаж, ийнхүү 10 өдрийн 5000 гаруй км элсэн цөлийг амжилттай давлаа. Манай тамирчид энэ сарын 25-нд эх орондоо ирнэ.