Монгол Улсын Ерөнхийлөгч Х.Баттулга өнөөдөр Төрийн ордны Есөн хөлт, цагаан тугт танхимд Төрийн одон, медаль гардууллаа.
Бодибилдинг, фитнессийн дэлхийн аварга шалгаруулах тэмцээний 4 удаагийн аварга Бодибилдингийн тамирчин Хөвсгөл аймгийн Алаг-Эрдэнэ сумын харьяат Г.Угалзцэцэгийг Монгол Улсын Ерөнхийлөгчийн зарлигаар МУГТ цол хүртээлээ.
ОУХМ Г.Угалзцэцэг хамгийн сүүлд Тайландын Чианг Май хотод энэ сарын 14-16 ѳдрүүдэд зохион байгуулагдсан WBPF холбооны 10 дахь удаагийн ДАШТ-нд оролцсон ОУХМ Г.Угалзцэцэг хос алтан медаль хүртсэн амжилт үзүүлсэн юм. Мөн Г.Угалзцэцэгийн хувьд өмнө нь 2016 онд Тайландын Бангкок хотноо болсон бодибилдинг, фитнессийн ДАШТ-ий эмэгтэйчүүдийн атлетик ангилалд оролцож манай тамирчин, алтан медаль хүртэж байсан. Мөн 2017 онд БНСУ-ын Сөүл хотноо болсон Ази тивийн бодибилдингийн аварга шалгаруулах тэмцээнээс алтан медаль хүртэж дэлхийн хошой аварга болж байсан билээ.
Монгол Улсын Гавьяат тамирчин Г.Угалзцэцэг:
"Дөрвөн удаа дэлхийн аварга болоод энэ шагналыг авах үнэхээр нэр хүндийн хэрэг байлаа. Улам бүр хичээнэ. Дахин дахин аварга болохыг хичээх болно. Бүх монголчууддаа шинэ ондоо амжилт бүтээлээр дүүрэн байгаарай гэж хүсэн ерөөе. Шинэ оны мэнд!" гэлээ.