Өнөөдөр болох зарим үйл явдлын тоймыг хүргэж байна.
09.00 цагт Монгол улсын төрийн нэрт зүтгэлтэн анхны Ерөнхий сайд Сайн ноён хан Т.Намнансүрэнгийн мэлмий гийсний 140 жилийн ойд зориулсан “Монгол Улсын анхны Ерөнхий сайд Сайн ноён хан Т.Намнансүрэн-140” сэдэвт эрдэм шинжилгээний хурал болно. Хурал СТӨ-ний 303 тоот буюу ШУА-ийн тэргүүлэгчдийн газрын байранд эхэлнэ.
10.00 цагт МУИС-ийн Номын сангийн 502 тоотод "Үнэт, ховор ном, гар бичмэлийн үзэсгэлэн, семинар-2018” болно. Семинар манай улсад буй үнэт, ховор ном, гар бичмэлүүдийн нэгдсэн судалгааг хийх, каталогижуулах, олон нийтэд сурталчлах зорилготой юм.
Монгол улсад зохиомол хээлтүүлгийн технологи үүсч хөгжсөний 60 жилийн ойд зориулсан онол, үйлдвэрлэлийн бага хурал Хөдөө аж ахуйн их сургуулийн захиргааны байрны хурлын танхимд болно.
11.00 цагт Нийслэлийн ИТХ-ын ээлжит 21-р дүгээр хуралдаан болно. Хуралдаанаар дараах гурван асуудлыг хэлэлцэнэ. Үүнд:
1. Нийслэлийн Засаг дарга бөгөөд Улаанбаатар хотын захирагчийг томилох асуудлыг хэлэлцэх тухай
2. Улаанбаатар хотын цэцэрлэгжүүлэлтийн мастер төлөвлөгөө батлах тухай
3. Улаанбаатар хотын агаар, орчны бохирдлыг бууруулах ажлын талаар хэрэгжүүлж буй арга хэмжээний тухай танилцуулга
11.30-12.30 цагт Соёлын төв өргөөнд Онцгой байдлын байгууллагын 2018 оны үйл ажиллагааны тайлангийн хурал болНо.
11.40 цагт Төрийн ордны Есөн хөлт, цагаан тугт танхимд Монгол Улсын Ерөнхийлөгч Х.Баттулга Төрийн одон, медаль гардуулна.
