Тайландын Чингмай хотноо болсон 10 дахь удаагийн Дэлхийн аварга шалгаруулах тэмцээн /WBPF/-д 51 орны 650 гаруй тамирчин нийт 52 ангилалд ѳрсѳлдѳж медальтнууд тодорлоо. Энэ сарын 14-16-н хүртэл үргэлжилсэн ДАШТ-д манай улсаас эмэгтэй зургаа, эрэгтэй найман тамирчин, нэг шүүгч, нэг албаны хүний бүрэлдэхүүнтэй баг оролцож хоёр алт, дөрвөн мѳнгѳ, гурван хүрэл медаль хүртэж, гурван тамирчин шагналт IV байр, хоёр тамирчин шагналт V байр эзэлсэн амжилт үзүүлжээ.
Тамирчин Г.Угалзцэцэг атлетик бие бялдар ангилалд (women’s athletic physique+30) аварга болж, дэлхийд дөрөв дэх удаагаа аваргаллаа.
Мөн тамирчин Г.Гансаруул дэлхийн аваргын мөнгөн медаль, хүртэж, тамирчин Х.Болорчимэг спорт, бие бялдар ангилалд хүрэл медаль, М.Мойлоо “Women’s Model bikini” төрөлд хүрэл медаль, Б.Мѳнхчимэг “Women’s Model Physique up to 160 cm ангилалд мѳнгѳн медалийн эзэн тус тус болж, Монголын баг тамирчид гурван мөнгө, гурван хүрэл медаль хүртлээ.
Мөн эрчүүдээс спорт бие бялдар ангилалд / Men’s Sport’s Physique up to 180 cm / Ж.Баянмѳнх мѳнгѳн медаль, фитнесс бие бялдар ангилалд хүрэл медаль тус тус хүртжээ.
