2025 оны зургаадугаар сарын эхний арав хоногийн байдлаар манай орны ихэнх гол мөрний усны түвшин олон жилийн дунджаас бага байгаа аж. Тухайлбал, усны түвшин 10-70 см-ээр буурсан үзүүлэлттэй байна. Харин Улз, Халх, Балж голууд болон Орхон, Сэлэнгийн адгаар харьцангуй их буюу 15-80 см-ээр дээгүүр түвшинд байжээ.

Цаг уурын байгууллагын мэдээлснээр ойрын өдрүүдэд буюу зургаадугаар сарын 11, 12-нд нутгийн зарим хэсгээр, харин 13-ны өдөр нутгийн төв хэсгээр бороо орох төлөвтэй байгаа тул үер усны эрсдэл үүсэх магадлалтайг анхааруулж байна.

Иймд иргэд, тэр дундаа малчид, тариаланчид, аялалд яваа хүмүүс үер усны аюулаас урьдчилан сэргийлж, цаг агаарын мэдээллийг тогтмол авч байхыг зөвлөж байна.

Эх сурвалж: УЦУОСМХ-н Гадаргын усны судалгааны хэлтэс.