Сэлэнгэ аймгийн Ерөө сумын Буурагчин багийн нутаг дэвсгэр, "Хан-Хэнтий" тусгай хамгаалалттай газрын “Хэрийн гол” гэх газар тавдугаар сарын 21-ний өдрийн 15:04 цагт ойн гал түймрийн дулааны цэг илэрсэн талаар firms.modaps.eosdis.nasa.gov, ICC.mn сайтууд мэдээллээ.

Түймэр илэрсэн газар нь:

• Сэлэнгэ аймгийн төвөөс зүүн урд зүгт 310 км,

• Ерөө сумаас 265 км,

• Мандал сумаас 120 км орчим зүүн хойд зүгт байрлаж байна.

Гал түймрийн голомт руу Сэлэнгэ аймгийн Онцгой байдлын газрын Мандал сум дахь Онцгой байдлын хэлтсийн даргаар ахлуулсан 19 дүгээр анги, мөн Хүдэр сум дахь Эрэн хайх, аврах салбарын 36 дугаар ангийн алба хаагчид хөдөлгөөн үйлдэж, унтраах ажиллагааг эхлүүлээд байна.

Ой, хээрийн бүс нутгуудад хуурайшилт өндөр байгаагаас түймрийн эрсдэл буураагүй тул иргэдийг болзошгүй эрсдэлээс сэргийлж, гал түймэр үүсгэх нөхцөл бүрдүүлж болзошгүй үйлдлээс татгалзахыг Онцгой байдлын байгууллагаас анхааруулж байна.

Эх сурвалж: Сэлэнгэ аймгийн Онцгой байдлын газар, ICC.mn