Ойн хөнөөлт шавжтай өндөг хусаж цуглуулах механик аргаар 12000 га талбайд хавар, намар гэсэн 2 үе шаттай тэмцлийн ажил гүйцэтгэхээр төлөвлөн, хаврын хийж гүйцэтгэх ажил явагдаж байна.
-Хөвсгөл аймгийн Эрдэнэбулган, Тариалан сумдын ойн санд гүйцэтгэхээр ойн мэргэжлийн байгууллагын эрхтэй “Мөнх жаргалант ой” ХХК нь Хөвсгөл аймгийн Эрдэнэбулган сумын Бөөрөлж багийн нутаг Бургалтай, Цагаан чулуутын бэл гэх зэрэг газрын ойн сангийн 269, 270, 271, 295, 326-р хэсэглэлийг хамруулан ойн сангийн 2000 га талбайд ойн хөнөөлт шавж Өрөөсгөл хүр эрвээхэйн (Lymantria dispar L) өндөг хусаж цуглуулах механик аргаар тэмцэх ажлыг 2025 оны 05 дугаар сарын 13-ны өдрөөс эхлэн 11 хүний бүрэлдэхүүнтэй, 2 автомашинтай, тэмцлийн ажилд хэрэглэгдэх багаж тоног төхөөрөмжтэйгөөр тэмцэх ажил үргэлжилж байна.
-Хөвсгөл аймгийн Чандмань-Өндөр, Цагаан-Үүр сумдын ойн санд 2000 га талбайд гүйцэтгэхээр ойн мэргэжлийн байгууллага эрхтэй “Денс Форист” ХХК 2025 оны 05 дугаар сарын 12-ний өдрөөс эхлэн Хөвсгөл аймгийн Чандмань-Өндөр сумын 1, 2-р багийн нутаг Ганц модот, Дээрхийн нуруу гэх газрын ойн санд ойн хөнөөлт шавж Өрөөсгөл хүр эрвээхэйн (Lymantria dispar L.) өндөг хусаж цуглуулах механик аргаар тэмцэх ажлыг 10 хүний бүрэлдэхүүнтэй 2 автомашинтай, тэмцлийн ажилд хэрэглэгдэх багаж тоног төхөөрөмжтэйгөөр тэмцэх ажил үргэлжилж байна.
Хөвсгөл аймгийн Эрдэнэбулган сумын Засаг даргын орлогч Г.Баярбат, Байгаль хамгаалагч Б.Эрдэнэцэцэг, Цагаан-Үүр сумын “Нарс шинэсэн төгөл” сум дундын ойн ангийн ерөнхий инженер Д.Гэрэлтуяа нар байнгын хяналт тавин ажиллаж байна.
-Хэнтий аймгийн Норовлин сумын ойн санд 2500 га талбайд гүйцэтгэхээр ойн мэргэжлийн байгууллагын эрхтэй “Аглаг Ой” ХХК нь тус сумын Бэрх , Баянголын ам, Хар гуя гэх газруудад 2025 оны 05дугаар сарын 13-ны өдрөөс эхлэн Өрөөсгөл хүр эрвээхэйн (Lymantria dispar L .) өндөг хусаж цуглуулах механик аргаар тэмцэх ажлыг 10 хүний бүрэлдэхүүнтэй, 2 автомашинтай, тэмцлийн ажилд хэрэглэгдэх багаж тоног төхөөрөмжтэйгөөр тэмцэх ажил үргэлжилж байна. Орон нутгийн зүгээс хяналт тавихаар Байгаль орчны хяналтын улсын байцаагч Б.Баярмагнай хяналт тавин ажиллаж байна.
-Ойн хөнөөлт шавжтай өндөг хусаж цуглуулах механик аргаар тэмцэх ажлыг Хэнтий аймгийн Биндэр сумын ойн санд 1500 га талбайд гүйцэтгэхээр ойн мэргэжлийн байгууллагын эрхтэй “Сайхан ойн төлөө” ХХК нь тус сумын ойн сангийн 239, 237, 244, 245, 236-р хэсэглэлийг хамруулан Яргуй хавцал, Төмөртийн хавцал, Тусгалт, Майлант, Шаазгайтын майлант, Майхантын баруун хавцал гэх газруудад 2025 оны 05 сарын 13-аас эхлэн 10 хүний бүрэлдэхүүнтэй тэмцлийн ажил явагдаж байгаа бөгөөд 2 автомашинтай, тэмцлийн ажлаар 319 кг өндөг түүж, устгаад байна.
-Ойн хөнөөлт шавж Өрөөсгөл хүр эрвээхэйн (Lymantria dispar L .) өндөг хусаж цуглуулах механик аргаар тэмцэх ажлыг Хэнтий аймгийн Баян-Адрага сумын ойн санд 1500 га талбайд гүйцэтгэхээр ойн мэргэжлийн байгууллагын эрхтэй “Хатант форест” ХХК нь сумын ойн сангийн 50, 51, 31, 43, 44-р хэсэглэлийн хамруулан II -р багийн нутаг Шусын гол, Баруун цох, Хар чулуут, Билүүт зэрэг газрын 2025 оны 05 дугаар сарын 14-ний өдрөөс эхлэн тэмцэх ажлыг 8 хүний бүрэлдэхүүнтэй, 1 автомашин, 2 мотоциклтойгоор тэмцэх ажил үргэлжилж байна. Орон нутгийн зүгээс хяналт тавихаар Хэнтий аймгийн Биндэр сумын “Биндэр-Ой” СДОА-н инженер Э.Сайханжаргал, Байгаль хамгаалагч Н.Болор-Эрдэнэ, Баян-Адарга сумын Байгаль орчны хяналтын улсын байцаагч Н.Цэрэндулам байнгын хяналт тавин ажиллаж байна гэж Ойн газраас мэдээллээ.
