Сэлэнгэ аймгийн Түшиг сумын Ар нуга багийн "Ар шүрэн" гэх газарт тавдугаар сарын нэгэнд гарсан ойн түймрийг өнөөдөр буюу тавдугаар сарын 13-ны өдрийн 10 цаг 10 минутад бүрэн унтрааж, орон нутгийн захиргаанд хүлээлгэн өглөө.

Түймрийн голомтод Онцгой байдлын ерөнхий газар, Үндэсний аврах бригад, Агаараас эрэн хайх, аврах 111, Нийслэлийн Онцгой байдлын газар, Сэлэнгэ, Орхон, Дархан-Уул, Өмнөговь, Дундговь, Говьсүмбэр, Баянхонгор, Дорноговь, Өвөрхангай аймгийн Онцгой байдлын газрын алба хаагчид, Цагааннуур сум болон орон нутгийн иргэдээс бүрдсэн нийт 336 хүн, 33 автомашин, техник хэрэгсэлтэйгээр ажиллаж, гал түймрийг бүрэн хяналтдаа авсан юм.

Урьдчилсан байдлаар түймэрт нийт 26,562.9 га талбай өртсөн хохиролтой байна. Түймрийн нөхцөл байдал, хохирлын хэмжээг нарийвчлан тогтоох, үнэлгээ хийх ажлыг орон нутгийн холбогдох байгууллагууд үргэлжлүүлэн гүйцэтгэж байна.

Эх сурвалж: Онцгой байдлын ерөнхий газар