Уур амьсгалын өөрчлөлтийг саармагжуулах, хотын ногоон байгууламжийг нэмэгдүүлэх зорилгоор арилжааны банкууд хамтран Байгаль орчны сайжруулалтын хүрээнд шинэ төгөл байгуулах ажил эхлүүллээ. Тодруулбал, Улаанбаатар хотын Баянзүрх дүүргийн нутагт байрлах 300 га талбайд нийт 30 орчим арилжааны банк нийлэн 300 гаруй навчит мод тарихаар төлөвлөжээ.

Энэхүү ажил нь банкны салбарын санаачлан хэрэгжүүлж буй “Тэрбум мод” үндэсний хөдөлгөөнтэй уялдаж буй бөгөөд банкны системийн хувьд 2 жилийн өмнө Монголбанк бодлогын дэмжлэг үзүүлэн тухайн санг байгуулсан байна. Одоогоор төслийн хүрээнд нийт 7,000 гаруй мод тарьж, 21 аймагт банкны төгөл байгуулжээ. Цаашид 2030 он гэхэд 50 сая мод тарих зорилт тавьсан бөгөөд Улаанбаатар хот тэр дундаа олон улсын жишигт нийцсэн эко цэцэрлэгт хүрээлэн байгуулахыг ч зорьж байна.

Мод тарих ажлыг улирлын онцлог, шинжлэх ухааны үндэслэлтэйгээр хэрэгжүүлэх нь чухал бөгөөд энэ хүрээнд ой инженер, ойн агрономич зэрэг мэргэжилтнүүдийн заавар, зөвлөгөөний дагуу мод тарих ажлыг гүйцэтгэж байна. Мэргэжилтнүүдийн хэлж буйгаар, мод тарихаас илүү тарьсан модоо 3 жилийн хугацаанд арчилж, хамгаалж, услах нь чухал бөгөөд энэ хугацаанд мод нь тухайн газрын экосистемд бүрэн дасан зохицож, бие даан ургах чадвартай болдог.

Ийнхүү хувийн хэвшил, тэр дундаа банкны салбар байгаль орчны төлөө бодитой алхам хийж, урт хугацааны үр дүнд чиглэсэн ажил хэрэгжүүлж буй нь үлгэр жишээ болохуйц арга хэмжээ болж байна.