Монгол Улсын Ерөнхийлөгчийн зарлигаар жил бүрийн тав болон есдүгээр сарын Бямба, Ням гарагийг “Тэрбум мод тарих үндэсний өдөр” болгон зарласны дагуу энэ жилийн мод тарих үйл ажиллагааг Сонгинохайрхан дүүргийн Ар гүнт дэх “Инчон мөрөөдлийн төгөл”-д зохион байгууллаа.

Мод тарих арга хэмжээнд дараах байгууллагууд идэвхтэй оролцсон байна:

• Нийслэлийн Байгаль орчны газар (НБОГ)

• Нийслэлийн газар зохион байгуулалтын алба (НГЗБА)

• Сонгинохайрхан дүүргийн ИТХ, ЗДТГ

• Бэлчээрийн менежментийн төслийн нэгж

• Нийслэлийн хөрөнгө оруулалтын газар (НХХААГ)

• Улаанбаатар зүүн Азийн залуучуудын наадмын зохион байгуулах хороо

• Хотын нийтийн аж ахуйг сайжруулах хоёр дахь төслийн нэгж

• Орлогод нийцсэн ногоон орон сууц ба дасан зохицох чадвар бүхий хотын шинэчлэл төсөл

• Хатуу хог хаягдлын байгууламжийг шинэчлэх төслийн нэгж

• Хүнсний хог хаягдлыг дахин боловсруулах төсөл

• Хандгай авто клуб, Хаан моторсын хамт олон

Тэд хамтран 600 гаруй шинэс мод тарьсан бөгөөд үйл ажиллагаа байгаль орчныг хамгаалах, хотын ногоон бүсийг нэмэгдүүлэх зорилготой байсан юм.

Байгаль орчин, аялал жуулчлалын яамнаас бүх нийтийг “Тэрбум мод” үндэсний санаачилгад идэвхтэй оролцож, мод, сөөг тарихаас гадна тэдгээрийг арчилж ургуулах, түгээн дэлгэрүүлэх чиглэлээр хувь нэмрээ оруулахыг уриалж байна.

Эх сурвалж: Байгаль орчин, аялал жуулчлалын яам