Энэ оны гуравдугаар сарын байдлаар Монгол орны нийт нутгийн 4.6 хувь нь нэн эрсдэлтэй байгааг Ойн газар мэдээллээ. Мөн 24.1 хувь нь бага, 8.8 хувь нь дунд, 5.1 хувь нь их эрсдэлтэй гэж үнэлэгдсэн байна. Түймрийн эрсдэлийн зураглалд 2000-2024 оны хооронд гарсан ой, хээрийн түймрийн голомтын байршлын тархалт, түймрийн давтамжийн зураглал, ой, хээрийн түймрийн аюулын зэрэг, газрын бүрхэвчийн зураглал, хуурайшилтын индекс зэрэг үзүүлэлтүүдийг харьцуулан боловсруулжээ.
Тодруулбал:
-
Нэн эрсдэлтэй бүс: нийт нутгийн 4.6 хувь
-
Их эрсдэлтэй бүс: 5.1 хувь
-
Дунд эрсдэлтэй бүс: 8.8 хувь
-
Бага эрсдэлтэй бүс: 24.1 хувь
Энэхүү судалгаа нь ой, хээрийн түймрийн аюулыг эрт илрүүлэх, урьдчилан сэргийлэх, эрсдэлийг бууруулах төлөвлөгөөг боловсруулахад чухал ач холбогдолтой гэж үзэж байна.
