2025 оны дөрөвдүгээр сарын 14-20-ны хооронд нийслэлийн 9 дүүрэг болон 21 аймгийн 54 сумын хэмжээнд нийт 185 удаагийн аюулт үзэгдэл, ослын дуудлага бүртгэгдсэн талаар Онцгой байдлын ерөнхий газраас мэдээллээ.

Энэ хугацаанд ОБЕГ-ын төв болон орон нутгийн алба хаагчид нийт 6 иргэний амь насыг аварсан байна. Дуудлагын агуулгыг дараах байдлаар ангилжээ:

• 153 удаагийн объектын гал түймэр,

• 14 удаагийн ой хээрийн гал түймэр,

• 5 газар хөдлөлтийн бүртгэл,

• 1 хүчтэй салхи, шороон шуурганы дуудлага,

• 11 хүний үйл ажиллагаатай холбоотой осол,

• 1 биологийн гаралтай өвчлөлийн дуудлага бүртгэгджээ.

Онцгой байдлын албаны бэлэн байдлыг өндөр түвшинд байлгаж, цаг алдалгүй ажилласны үр дүнд хүний амь нас, эрүүл мэндийг хамгаалж чадсан байна.

Эх сурвалж: ОБЕГ