Тэрбум мод” үндэсний хөдөлгөөнийг хүрээнд Өмнөговь аймаг 2030 он хүртэл 70 сая мод тарьж ургуулах амлалт авсан. 

Хөтөлбөрийг эрчимтэй хэрэгжүүлэхээр тарих модны тоог сум бүрээр хуваарилж, өрх бүр жилд 9, жижиг, дунд аж ахуйн нэгж, төсөвт байгууллага 90-ээс доошгүй, уул уурхайн олборлолт, тээвэрлэлт, тэсэлгээ, хайгуул болон түгээмэл тархацтай ашигт малтмал олборлогч аж ахуйн нэгж, байгууллагууд 9 жилийн хугацаанд 59 сая мод тарьж ургуулахаар төлөвлөж гэрээ байгуулжээ. 

Тухайлбал, Ханбогд сумын нутагт уул уурхайн чиглэлээр үйл ажиллагаа явуулж байгаа "Оюутолгой" ХХК Манлай суманд 1 сая, Баян-Овоод 1 сая, Ханбогдод 1.5 сая нийт 3.5 сая мод тарьж ургуулахаар хуваарилжээ. 

Тус ажлын хүрээнд "Оюутолгой" ХХК байгалийн заган ойн санг түшиглэн Манлай суманд 800 га, Баян-Овоод 805 га, Ханбогдод 1600 га нийт 3205 га талбайд 4 сая мод тарьж ургуулахаар зураг, төсөл боловсруулан Өмнөговь аймгийн БОГ-т танилцуулж батлууллаа.

Зураг төсвийн дагуу 2025 онд Баян-Овоо, Ханбогд суманд тус бүр 20 га талбайг загаар ойжуулахаар төлөвлөжээ.