Нийслэлийн хэмжээнд 2025 оны дөрөвдүгээр сарын эхний долоо хоногт нийт гал түймрийн 58, аврах ажиллагааны нэг дуудлага бүртгэгдсэн талаар Онцгой байдлын байгууллагаас мэдээллээ. Алба хаагчид шуурхай ажиллаж, нэг иргэний амь насыг авран, 1 тэрбум 550 сая төгрөгийн өмч хөрөнгө сүйдлээс хамгаалжээ.
Дуудлагын дийлэнх хувийг шар өвсний түймэр эзэлж, нийт 19 удаагийн дуудлага бүртгэгдсэн байна. Урин дулааны улиралд хуурайшилт ихэсч байгаатай холбоотойгоор шар өвсний болон ой, хээрийн түймрийн эрсдэл эрс нэмэгдэж байгааг албаныхан онцгойлон анхааруулж байна.
Онцгой байдлын газар дараах зөвлөмжийг өгч байна:
-
Цогтой үнс нурмаа тагтай, төмөр саванд хийж хөртөл хадгалах
-
Зуслангийн бүс, хээр газар хог шатаахгүй байх
-
Ил гал гаргахгүй, гал түлэхдээ болгоомжтой байх
-
Ой, хээрийн бүс рүү орох иргэд анхаарал болгоомжтой байх
Ой, хээрийн түймрээс урьдчилан сэргийлэх зорилгоор нийслэлийн ногоон бүсэд мэргэжлийн байгууллагуудын хамтарсан баг өдөр бүр үүрэг гүйцэтгэж, хяналт тавин ажиллаж байгааг мөн мэдээлэв.
Эх сурвалж: Нийслэлийн Онцгой байдлын газар
