2025 оны гуравдугаар сарын сүүлийн арав хоногийн байдлаар Монгол орны ихэнх гол мөрөн, нуур мөсөн бүрхүүлтэй хэвээр байна. Харин хаврын улирал эхэлж, дулаарч буй энэ үед шар усны үерийн аюул бодит эрсдэл болох хандлагатай байна.

Олон жилийн ажиглалтын дүнгээс харахад Хөвсгөлийн уулс, Хангай, Хэнтийн нуруунаас эх авсан голууд болон Туул, Тэрэлж, Сэлбэ, Бэлх, Гүнт, Дунд зэрэг голын мөс дөрөвдүгээр сарын эхний 10 хоногоос эхлэн хайлж, тавдугаар сарын сүүлчээр бүрэн дуусдаг байна. Энэхүү мөсний хайлалт нь шар усны үерийн гол шалтгаан болдог.

Иймд:

• Өндөр уулын ам, гол усны ай сав газарт байрлах айл өрх, аж ахуйн нэгжүүд

• Голын эрэгт суурьшсан байгууллагууд

…ойр орчмын цасыг нүүлгэн зайлуулж,

• Үерийн далан, хамгаалалтын байгууламж барих

• Ус зайлуулах суваг, шуудууг цэвэрлэж сэргээх

зэрэг арга хэмжээг яаралтай авч хэрэгжүүлэхийг мэргэжлийн байгууллагууд анхааруулж байна.

Шар усны үерийн үеэр урьдчилан сэргийлэх арга хэмжээ авахгүй бол хөрөнгө, эрүүл мэнд, амь насанд ч аюул учруулж болзошгүйг сануулж байна.

Эх сурвалж: Онцгой байдлын ерөнхий газар, Цаг уур, орчны шинжилгээний газар