Фото: pixabay.com
Олон улсын Улаан номын сүүлчийн шинэчлэл нь моддын төрлийн гуравны нэг нь мөхлийн аюулд орсныг харуулжээ. Үүний зэрэгцээ, зараа мэтийн амьтдын төрөл анги мөхөлтэй тулгараад ирэв. Ийм мэдээлэл биологийн төрөл зүйн асуудлаар Колумбид хийгдсэн НҮБ-ын сүүлийн дээд хэмжээний уулзалт дээр тараагдсаныг ВВС дамжуулжээ.
Хамгийн сүүлийн мэдээллээр ойрын 10 жилийн дотор дэлхий ертөнц мод бутны төрлүүдийн 38 хувиа алдах магадлалтай боллоо. Тэдний тоонд магнолиа, эсвэл манайхаар Магулины төрлийн цэцэгт бас замбага цэцэгт гэх мод, царс, агч, эбений гэх зэргийн моднууд орж байна.
Ой модыг огтлон тариалангийн талбай болгож байгаа халуун бүсийн орнуудад тэдний ихэнх устаж байна. Дунд бүсэд ой мод голчлон хорт шавжийн тархалтаас хамааран сөнөх нь нэмэгджээ.
Ойн талбай буурч байгаа нь жигүүртэн, хорхой шавьж, хоёр нутагтан, амьтдын тоо толгойг хорогдуулж буйг НҮБ-ын шинжээчид анхаарууллаа. Тэдний оршин тогтнох орчин эвдэрч, хүнсний гинжин урсгал нь тасарч эхэлжээ.
