Баянгол дүүрэг 2023 оныг “Экологийн боловсролыг дээшлүүлж, ногоон байгууламжийг нэмэгдүүлэх” жил болгон зарласан.

Ингэхдээ дүүргийн хэмжээнд давхардсан тоогоор 57 байршилд мод тарихаар төлөвлөсөн бөгөөд орон сууц, гэр хороолол, сургууль цэцэрлэгийн орчим болон аж ахуйн нэгж байгууллагын орчны 50 метр талбайн ногоон байгууламжийг нэмэгдүүлэхээр зорилт тавьсан юм.  

Тэгвэл дээрх зорилтод жилийн хүрээнд Баянгол дүүрэгт, заагдсан байршлуудад, батлагдсан хуваарийн дагуу мод тарих ажил өнөөдрөөс эхэллээ. Тухайлбал,

• БГД-ийн 13-р хороо, Нийслэлийн 76-р цэцэрлэгийн хашаанд хуваарийн дагуу дүүргийн ЗДТГ-ын Төрийн захиргаа удирдлагын хэлтэс, Хяналт, шинжилгээ үнэлгээний хэлтсийнхэн болон тус цэцэрлэгийн багш ажилчид, бэлтгэл бүлгийн хүүхдүүдийн эцэг эхчүүдтэй хамтран сакура, нарс, гацуур гээд 30 модыг тарилаа.

• БГД-ийн 9-р хороо, 146-р сургуулийн хашаанд батлагдсан хуваарийн дагуу Тохижилт, нийтийн аж ахуйн хэлтэс, Усан спорт сургалтын төв сургуулийн багш ажилчид хамтран 100 ширхэг шар хуайс тарилаа.

• Баянгол дүүргийн 97 дугаар цэцэрлэг дээр дүүргийн харьяа Татварын хэлтэс 100 ширхэг шар хуайс Хөдөлмөр халамжийн хэлтэс 22 ширхэг чацарганын мод тарилаа.

Түүнчлэн “Экологийн боловсролыг дээшлүүлж, ногоон байгууламжийг нэмэгдүүлэх” зорилтод жилийн хүрээнд 34 хороо болон дүүргийн нутаг дэвсгэрт үйл ажиллагаа явуулдаг ААНБ, ТББ-ууд идэвх санаачилгатай нэгдэж буй бөгөөд батлагдсан 57 байршилд хуваарийн дагуу мод тарих юм.

Хаврын мод тарих ажил 2023 оны тавдугаар сарын 11-ээс тавдугаар сарын 21-ний өдөр хүртэл үргэлжилнэ.