Өнөөдөр төр нийгмийн нэрт зүтгэлтэн, ардчилалын алтан хараацай Санжаасүрэнгийн Зориг агсны 61 насны төрсөн өдөр тохиож байна. Тэрээр 36-хан насандаа бусдын гарт онц хэрцгийгээр амиа алдсан юм. Энэ эмгэнэлт хэргээр зарим улстөрчид бүтэн 25 жил улс төрийн "шоу" хийж байгаа гэхэд болно.
Өчигдөр буюу түүний төрсөн өдрийн тохиолдуулан амийг нь хөнөөсөн хэргээр ял эдэлж байсан Б.Содномдаржаа, Т.Чимгээ нарт холбогдох хэргийг хэрэгсэхгүй болголоо.
Шүүхээс Б.Содномдаржаад, Т.Чимгээ нарыг С.Зоригийн амийг хөнөөсөн хэрэгт буруутайд тооцож тус бүр 20 жилийн хорих ялыг 2017 оны наймдугаар сарын 4-ны өдөр оноосон байдаг. Гэвч 2021 оны тавдугаар сарын 14-ны өдөр хэргийг мөрдөн байцаатанд буцааж, тэднийг сулласан юм.
Өнөөдрийн энэхүү нийтлэлийг Өглөөний сонины 2012 оны дөрөвдүгээр сарын 19-ний өдрийн дугаарт гаргаж байжээ.
1998 оны 10 дугаар сарын 2-ны шөнө Монголын ард тvмэн хайрт хөвгvvдийнхээ нэгийг алдсан билээ. Энэ аймшигт аллагын дараа ард тvмэн “Монголын ирээдvйн Ерөнхийлөгчийг алчихлаа” хэмээн гашуудаж байв. Тухайн vед Ерөнхийлөгч Н.Багабанди Засгийн газраас Ерөнхий сайдад дэвшvvлсэн Да.Ганболд тэргvvтэй хэд хэдэн хvний нэрийг тvдгэлзvvлсэн. Харин энэ vед Монгол Улсын Ерөнхий сайд болох хамгийн боломжтой хvнээр С.Зориг тодорч байв. Хачирхалтай нь аймшигт хэрэг гарсан өдөр МҮАН-ын Ерөнхий зөвлөл С.Зоригийн нэрийг Ерөнхий сайдад дэвшvvлэх эсэх асуудлаар хуралдах ёстой байтал тодорхойгvй шалтгаанаар хойшилсон гэдэг.
Үнэхээр ч С.Зоригийг Монгол Улсын Ерөнхий сайд, цаашлаад Ерөнхийлөгч болох байсан гэдэгтэй хэн ч маргахгvй. Ийм боломж нээлттэй байсан талаар монголчууд өнөө хэр нь дурсан ярьж байна.
Харин аймшигт аллагын эзэн илэрч, баригдалгvй 14 жил болжээ. Хэрэгтнийг илрvvлэх хvсэлтэй хvн ч алга. Хууль хяналтынхан хэргийг илрvvлнэ гэж 14 жилийн турш ярьсан боловч бодит байдал дээр ямар ч ахиц гарсангvй. Монголын эгэл ард тvмэн тєрсєн хvvгээ алдсан мэт эмгэнэн гашуудаж, алуурчныг илрvvлэхийг шаардсаар ирсэн. Гэтэл сvvлдээ С.Зориг агсны ар гэрийнхэн, ах дvv нар нь хvртэл горьдлого тасарч байгаа бололтой. Бид өмнөх дугаартаа талийгаачийн төрсөн ах Санжаасvрэнгийн Баяраатай хийсэн ярилцлагыг хvргэсэн. Тvvний ярьснаар С.Зориг агсны хэргийг жилд хоёр удаа сануулдаг гэснээс өөрөөр тайлбар хийгээгvй. Жил бvрийн дөрөвдvгээр сарын 20, аравдугаар сарын 2-нд талийгаачийн хөшөөнд цэцэг өргөж, аллагыг сануулдаг. Гэвч цагийн аясаар С.Зориг гэдэг хvний байгуулсан гавьяа бvдгэрч байна уу гэлтэй. Амьд сэрvvн ахуйд нь хормойноос нь зүүгдэж улстөрд орсон журмын нөхдийнх нь хөшөөн дээр үзэгдэх нь цөөрч, хамгийн дотны хvмvvсийнх нь унагадаг нулимсны дусал багасчээ. Иймэрхvv байдлаар ардчиллын эцэг С.Зоригийн тvvх мартагдаж, ард тvмний нулимсаар усалж босгосон хөшөө хатаж, гандах нь.
Тэгвэл Монголын ард тvмэн vvнийг хvсэхгvй байна. Улсын Ерөнхий прокурор, ХЗДХ-ийн сайд, ЦЕГ-ын дарга, ТЕГ-аас хэргийг илрvvлэхийг дахин дахин шаардах болов. Гэвч энэ шаардлага төр засагт ямар нэгэн цочрол өгөхөөсөө өнгөрчээ. Эцэстээ хууль хяналтынхны энэ хvчгvй, сул дорой байдлыг улстєрчдийн бvлэглэлтэй холбон тайлбарладаг болж байна. Хэргийг зориуд мартагнуулахын тулд ажилладаг бvлэглэл ТЕГ-аас байгуулагдсан ажлын хэсгийг татан буулгаж, хэргийн мєрєєр морсон сэтгvvлчдийг ажилгvй болгож байсан удаатай.
Энэ бvхэн өнөөдөр ч хэвээрээ байгаа бололтой. 14 жилийн өмнөх аймшигт аллагыг эргэн сануулахад “том дарга” нар эрс дургүйлхэж байна лээ.
Улайм цайм биш ч тодорхой хэмжээний сануулга манай редакцид ирсээр байгааг дурдах хэрэгтэй биз. Тэгэхээр энэ хэргийг 14 жилийн турш дарагдаастай явсан чигээр нь орхих ёстой юм уу, яах ёстой юм. Ямартай ч бид С.Зориг агсны задлан шинжилгээний Шvvх эмнэлгийн дvгнэлтийг анх удаа бvрэн эхээр нь хvргэж байна.
