Нисэх, Яармаг чиглэлийн замд хөдөлгөөнд оролцож явсан том оврын автомашины жолооч эсрэг урсгалаар зөрж яваа машинууд руу санаатайгаар замын шаврыг цацруулж байгаа бичлэгийг нэгэн иргэн нийгмийн сүлжээнд тавьсан нь нэлээдгүй шуугиан тариад байгаа. Тэгвэл энэ үйлдэл нь хөдөлгөөнд оролцож байгаа бусад жолооч нарын үзэгдэх орчинг хязгаарласан санаатай үйлдэл болсон тул Тээврийн цагдаагийн албанаас тухайн жолоочид хариуцлага тооцохоор болжээ.

Мөн тухайн жолооч өөрийн буруутай үйлдлийг ойлгож, уучлал гуйгаад хуульд заасан хариуцлагыг хүлээхээр болсон байна. Сануулахад, Монгол Улсын замын хөдөлгөөний дүрмийн 1.3 дахь заалт "Замын хөдөлгөөнд оролцогч нь бусад хөдөлгөөнд оролцогч нарт аюул хохирол учруулахгүй, хөдөлгөөнд осолтой байдал бий болгохгүйгээр зорчино" гэж заасан байна. Тиймээс уг жолоочид "Замын хөдөлгөөний дүрсийг зөрчсөн" үндэслэлээр Зөрчлийн хуулиар хариуцлага тооцох юм байна.