Өнгөрсөн амралтын өдөр их хэмжээний цас орж, зарим зам, даваанд халтиргаа гулгаа үүсэж, зорчих боломжгүй болсон. Тэдгээрийн нэг, түр хугацаанд хөдөлгөөнийг хязгаарласан байсан Улаанбаатар-Дархан чиглэлийн авто замын хөдөлгөөн хэвийн үргэлжилж байгааг Зам, Тээврийн Хөгжлийн Яамнаас мэдээлжээ.
Цаг агаарын нөхцөл байдлаас шалтгаалан Улаанбаатар-Дархан чиглэлийн автом зам, 124-ийн даваа орчимд тээврийн хэрэгслийн хөдөлгөөн саатаж, үргэлжлүүлэн хөдөлгөөнд оролцуулах боломжгүй нөхцөл байдал үүссэн бөгөөд ЗТХЯ дөрөвдүгээр сарын 1-2-нд шилжих шөнийн 00:00 цагаас эхлэн Дархан-Уул аймгаас Улаанбаатар хот руу зорчих хүн, тээврийн хэрэгслийн хөдөлгөөнийг түр хугацаанд хязгаарлаад байсан юм. Замын хөдөлгөөнийг өнөөдөр 10.40 цагт нээж, хөдөлгөөний хэвийн үргэлжилж байна.
Хот хоорондын замыг нээсэн боловч Баруунхараагийн 124 даваа орчимд халтиргаа гулгаатай байгаа тул онцын шаардлагагүй бол тээврийн хэрэгсэлтэй зорчих хөдөлгөөнийг үйлдэхгүй байхыг Дархан-Уул аймгийн цагдаагийн хэлтсээс анхааруулж байна.
