2023 оны нэгдүгээр сарын 1-ээс хэрэгжиж эхлээд буй Үндсэн хуулийн тодорхой зүйл заалтыг илтэд зөрчсөн хууль, тогтоол шийдвэрүүдийг хүчингүй болгох маргаан үүсгэх зорилгоор Сэтгүүлч Ч.Лодойсамбуу Үндсэн хуулийн цэцэд хандлаа.

Тэрээр "Хүүхдийн мөнгө, хүн амны орлогын албан татварын тухай хууль хэрэгжихдээ хүний эрхийг зөрчиж болзошгүй нөхцөл үүссэн учраас Үндсэн хуулийн цэцэд хандаж байна. Засгийн газар өдөр бүр ямар нэг хулгайг ил гаргаж ард иргэд түүнийг нь илрүүлэхийн төлөө араас нь явсаар араар нь болж буй хуульгүй олон шийдвэрүүдийг анзаарахгүй байна. УИХ Үндсэн хуулиа зөрчөөд байвал нэмэлт өөрчлөлт хийгээд ч нэмэргүй.

Улсын үндэс суурь нь Үндсэн хууль боловч хэрэгждэггүй. УИХ хуулиа зөрчөөд байвал ард иргэд хуулиа хэрэгжүүлэх боломжгүй болж байна. 

• Нийгмийн халамжийн тухай хуульд нэмэлт өөрчлөлт оруулснаар орлогын хэмжээнд нь хамаарч хүүхдийн мөнгийг ялгаж өгөхөөр болсон. Хүүхэд бол хүүхэд. Хүнийг ажил төрөл, гар үүслээр ялгахгүй гэж заасан шүү дээ.
• Татварын хуулиар 10 гаруй байгууллага иргэдийн мэдээллийг харах боломжтой болсон. Ямар ч шүүхгүйгээр хүний мэдээлэлд халддаг боломж бүрдэж байна.
• Орлогын хэмжээнээс хамаарч татвар ногдуулах бас нэг заалт нэмэгдсэн нь ялгаварлан гадуурхаж буй хэлбэр.

Эдгээр хуулиудыг эргэн харж маргаан үүсгэн шийдвэрлэхийг бид ямар нэг шаардлага хүргүүлээгүй. Өргөдөл гаргаж ҮХЦ-ээс гуйж байна" гэлээ. 

Мөн тэрээр "Хэвлэлд ярилцлага өгдөг хуульч олдохоо больсон. Тэд гарч ирээд хэлэхээр дарамтлуулдаг зүйл бий болсон. Хуулийн мэдлэгтэй хүмүүс дугармаар байна. Ямар ч шүүхгүйгээр асуудалд хандахыг иргэд нэхэж, Засгийн газар тийм байдлыг бий болгодог болсон. Ингэснээр нийгэмд хууль бус мөнгө үйлчилж эхэлдэг. Бид хуульгүйгээр тэмцээд ирэхээр нэгэндээ хуульгүйгээр хандаж үндэсний аюулгүй байдалд эрсдэл үүсдэг. Бид дор бүрнээ чадах чадахаараа хуулиа эрхэмлэж бусдад мэдээлэл өгч байх хэрэгтэй гэж уриалъя" хэмээлээ.