Нийслэлийн Засаг даргын орлогч З.Төмөртөмөө өчигдөр нүүрсний хулгайн эсрэг жагсаж буй иргэдтэй уулзсан билээ. Тэрээр энэ үеэр "Жагсагчдын удаа дараа тавьсан шаардлагын дагуу төр засгийн зүгээс гэр барьж, телевиз, интернетийн орчин зэрэг шаардсан зүйлийг бүрдүүлэн ажилласан. Цаашид суулт зарласан иргэдийн эрүүл мэнд амь насанд эрсдэл үүсэж болзошгүй байна. Иймд өмнө нь тавьсан шаардлага, хүсэлтийн дагуу Соёлын төв өргөөнд байрлах боломж нөхцөлийг бүрдүүлсэн тул та бүхэн харилцан ойлголцож тухайн байранд орж байрлах хэрэгтэй” гэсэн юм.
Жагсаал өнөөдөр 18 дахь өдрөө үргэлжилж байгаа.
Цагдаагийн ерөнхий газраас "Өнгөрсөн хугацаанд нийт 600 гаруй хүнд эмч нар үзлэг хийж 29 хүн эмнэлэгт хүргэгдсэн байна. Цаашид жагсагчдын эрүүл мэндийн байдалд эрсдэл учирч болзошгүй тул эрүүл мэндийн тусламж үйлчилгээг авах шаардлагатайг илэрхийлж, НЗДТГ-аас барьсан хоёр гэрийг цагдаагийн байгууллагаас өчигдөр шөнө буулгасан.
Харин Жагсагчдын зүгээс Соёлын төв өргөөнд байрлах асуудал дээр нэгдсэн ойлголт, байр сууринд хүрээгүй талцсан байдалтай байна" гэж мэдээллээ.
