Өнгөрсөн баасан гаригт эхэлсэн иргэн Э.Одбаяр, Б.Цацрал, Ц.Чинбат, Б.Билгүүн, Л.Ганхөлөг нарт холбогдох эрүүгийн хэргийг шүүх шүүх хуралдаан Баянгол дүүргийн Эрүүгийн хэргийн анхан шатны шүүхийн байранд гурав дахь өдрөө болж, шийдвэрээ гаргажээ.

Тодруулбал, "Цахим үндэстэн" арга хэмжээг эсэргүүцсэн #NoDoubleStandart хөдөлгөөнтэй холбоотой нэг, 461 дүгээр ангиас хүн оргуулж байх явцдаа хууль сахиулагч нарыг эсэргүүцсэн нэг, мөн Дорнод аймагт болсон бусдын машинаар дайрсан хэргийг цахим сүлжээнд тавьсан нэг, сурагчдыг дэгдэж буй бичлэгийг цахим сүлжээнд тавьсан гэх үндэслэлээр дээрх таван иргэнийг Эрүүгийн хуулийн 13.14 болон 23.1.1 дүгээр зүйл ангид холбогдуулж, яллагдагчаар татсан юм. 

Ийн дээрх таван иргэнийг Эрүүгийн хуулийн 13.14 болон 23.1.1 дүгээр зүйл ангид холбогдуулан шүүсэн бөгөөд тэднийг гэм буруутайд тооцож, тус бүр нэг жил зорчих эрхийг хязгаарлах ял оноосон байна.

Харин шүүхийн энэхүү шийдвэртэй холбогдуулан Ерөнхийлөгч асан Ц.Элбэгдорж "Дайн эсэргүүцлээ гээд яллах гэвэл.. Монгол улсад оноосон ял болно шүү. Европын Зөвлөлийн урилгаар "World Forum for Democracy"-д оролцож явна. Засаг гомдлоо бушуу татаж ав. Монгол улс, манай бие даасан байдал, ардчилсан гэх нэр хүндэд нөхөж баршгүй хохирол болно шүү...@WFDemocracy" хэмээн жиргэжээ.