E-police аппликэйшнээр автомашины зөрчлийг мэдээлсэн иргэнд тухайн торгуулийн мөнгөн дүнгийн 20 хувийг нь авах боломжийг бүрдүүлэхээр албаныхан ажиллаж байна.
Өчигдрийн байдлаар тус аппликэйшнийг 40300 хүн татаж авч, бүртгүүлжээ. Уг аппликэйшнэээр өдөрт дунджаар 1000 орчим мэдээлэл ирдэг байсан урашуулал олгох тухай мэдээлэл хэвлэлүүдээр цацагдсаны дараа 4200 болж нэмэгдсэн байна. Үүнээс өмнө зам тээврийн зөрчлийн талаар 1100-1200 гаруй мэдээлэл ирдэг ч 500-600 нь л баталгааждаг байжээ. Одоогоор урамшуулал олгох журам боловсруулж байгаа бөгөөд журам гарсны дараа урамшуулал олгож эхэлнэ.
Мөн E-police аппликэйшн дээр гарч ирж буй 141,600 гаруй гомдлын тоо нь 2022 он гарснаас хойших мэдээлэл юм байна. Үүнээс 75,300 орчим зөрчил нь баталгаажсан гэв.
