Монгол цэргийн өдөр, Зэвсэгт хүчний 101 жилийн ойг тохиолдуулан ерөнхий боловсролын сургуулиудын дунд зохиогдох дүүргийн Засаг даргын нэрэмжит Цэрэг-спортын “Дөл” цогцолбор тэмцээний хоёрдугаар шатны шалгаруулалтыг 2022 оны дөрөвдүгээр сарын 21-ний өдөр дүүргийн Хүүхэд, залуучуудын хөгжлийн ордонд, 22-ны өдөр Хилийн цэргийн 0164 дүгээр анги дээр зохион байгуулж, тэмцээнд төрийн өмчийн 13 сургуулийн баг тамирчид 10 төрлөөр авхаалж самбаа, хурд хүчээ сорин өрсөлдлөө.

Тэргүүн байрт – Нийслэлийн ерөнхий боловсролын 38 дугаар сургуулийн “Сүлд” тасаг, цом, алтан медаль, өргөмжлөл, мөнгөн шагнал

Дэд байрт – Нийслэлийн ерөнхий боловсролын 47 дугаар сургуулийн “АКА-47” тасаг, мөнгөн медаль, өргөмжлөл, мөнгөн шагнал

Гутгаар байрт - Нийслэлийн ерөнхий боловсролын 19 дүгээр сургуулийн “Шонхор” тасаг, хүрэл медаль, өргөмжлөл, мөнгөн шагнал

“Шилдэг гранат шидэгч” - эмэгтэй тамирчин - 113 дугаар сургуулийн сурагч Ч.Ану-Үжин

“Шилдэг гранат шидэгч”- эрэгтэй тамирчин - 20 дугаар сургуулийн сурагч Ц.Хасбаатар тус тус шалгарлаа.

Тус тэмцээний нээлтийн ажиллагаанд дүүргийн Засаг дарга Ө.Сумъяабаатар, Нийслэлийн Цэргийн штабын дарга хурандаа Г.Ялалт, Нийслэлийн Цэргийн штабын орон нутгийн хамгаалалтын офицер С.Бүдрагчаа, Хилийн цэргийн 0164 дүгээр ангийн захирагч хурандаа П.Батбилэг, дүүргийн ЗДТГ-ын Цэргийн штабын дарга хурандаа Л.Цэрэгбаяр, Төрийн захиргааны удирдлагын хэлтэс дарга Б.Мөнгөнхуяг, Нийгмийн хөгжлийн хэлтсийн дарга С.Мөнхзаяа болон сургуулийн захирлууд оролцлоо.