Хөдөө, орон нутагт шилжин суурьшиж, анх удаа орон сууц худалдаж авах иргэдийн ипотекийн зээлийн хүүгийн 6 хувийг хөнгөлж, 3 хувь болгож, урьдчилгаа төлбөрийн 30 хувийн 60 хувийг төр батлан даахаар болсон билээ.

Тэгвэл урьдчилсан байдлаар орон нутагт хэрэгжүүлэх ипотекийн 3 хувийн хүүтэй зээлд хамрагдах иргэдэд тавигдах шаардлагыг танилцуулж байна.

Үүнд:

• Улаанбаатар хотоос хөдөө, орон нутагт шилжин суурьшсан бичиг баримт, мөн ипотекийн хөнгөлөлттэй зээлийн үлдэгдэлгүй байх;

• Тухайн орон нутагт амьдардаг анх удаа ипотекийн зээлд хамрагдаж байгаа;

• Монгол Улсын иргэн, 18 нас хүрсэн, эрх зүйн бүрэн чадамжтай байх;

• Банк, санхүүгийн байгууллагад хугацаа хэтэрсэн, чанаргүй зээлийн өрийн үлдэгдэлгүй;

• Шүүхийн шийдвэрийн дагуу төлөх өр, төлбөргүй;

• Зээлийн хугацаа дуустал холбогдох хууль тогтоомжийн дагуу даатгалд хамрагдсан байх;

• Барьцаалбар үйлдэх;

• Урьдчилгаа төлбөрийн шаардлага хангасан байх;

• Банкнаас тогтоосон бусад шаардлага зэрэг;

Одоогийн байдлаар орон нутгийн ипотекийн зээл олголтыг эхлүүлэх хамгийн сүүлчийн шат буюу орон нутгийн ипотекийн зээлийн санхүүжилтийн ерөнхий гэрээг байгуулахаар Сангийн яам, Монголбанк, Зээлийн батлан даалтын сан, арилжааны банкууд хамтран ажиллаж байна.