Монгол Улсын иргэд визгүй зорчих орнуудын жагсаалтыг ГХЯ-наас гаргажээ. Уг жагсаалтад дурдсанаар бүх төрлийн буюу энгийн болон дипломат, албан паспорттой иргэд 25 улс руу 14-90 хоног визгүй зорчих хэлэлцээртэй. Харин дипломат болон албан паспорттой иргэд 36 улс руу визгүй зорчино.
Визийн хөнгөлөлтийн тухайд АНУ Монгол Улсын иргэдэд 3-10 жилийн хугацаанд олон удаа зорчих виз олгодог бол Япон улс 3 хүртэлх жилийн хугацаатай (нэг удаа 15 хүртэлх хоног) "Богино хугацааны олон удаагийн виз" олгодог.
Монгол улс болон Украин улсын иргэд харилцан зорчиход 1979 онд байгуулсан “Иргэд харилцан визгүй зорчих нөхцөлийг хөнгөвчлөх тухай БНМАУ-ын Засгийн газар, ЗСБНХУ-ын Засгийн газар хоорондын хэлэлцээр” үйлчлэх бөгөөд иргэдийн хувьд албан ёсны урилга авсан байх шаардлагатай.
