Монгол-Японы эмнэлгийн Зүрх судасны тасаг нь Монголд анх удаа “добутамин”-ы ачаалалтай зүрхний хэт авиан шинжилгээний аргачлалыг боловсруулан оюуны өмчийн зохиогчийн эрхээ гардан авчээ.

Уг шинжилгээ нь зүрхэнд “добутамин” эмийн бодисоор ачаалал өгч, хэт авиан шинжилгээгээр ачааллын үед илэрсэн миокардын түр зуурын үйл ажиллагааны өөрчлөлтийг үнэлж “миокардын цус хомсрол”-ыг илрүүлдэг өндөр ач холбогдолтой, өртөг багатай шинжилгээ аж.

Монгол-Японы эмнэлэгт тус шинжилгээг хийж эхлүүлээд байгаа бөгөөд Добутамины ачаалалтай зүрхний хэт авиан шинжилгээ хийлгэхээс өмнө эмнэлгийн Зүрх судасны кабинетийн мэргэжлийн эмчид үзүүлэх ёстой юм.