Жэжү аралд эрүүл мэндийн аялал жуулчлалаар очсон 126 монгол жуулчны 23 нь сураггүй алга болсон талаар мэдээлэл тараад буй.
Тэд дөрвөн шөнө таван өдрийн аялалтай явсан бөгөөд энэ сарын 26-ны өдөр эх орондоо ирэхээр төлөвлөсөн байжээ. Аяллын сүүлийн өдөр манай улсын 23 жуулчин дотуур байрнаасаа холбоо сураггүй алга болсон тул Жэжү хотын цагдаагийн байгууллагаас эрэх сурвалжилж эхэлсэн байна.
Энэ талаар ГХЯ-наас тодруулахад "23 жуулчны талаар Солонгосын талаас манайд албан ёсоор мэдэгдсэн зүйл байхгүй. Манай улсын иргэд нэг сарын хугацаанд Жэжүд визгүй зорчих эрхтэй. Энэ хүмүүс зургаадугаар сарын 22-нд очсон, долоодугаар сарын 21-нд визгүй зорчих хугацаа дуусна. Долдугаар сарын 9, 14-ний өдөр Монгол руу нисэх чиглэл байгаа учир одоохондоо хууль бус иргэд гэж тооцохгүй" гэлээ.
