Зам, тээврийн хөгжлийн яамны ТНБД С.Батболд Завхан, Говь-Алтай аймагт ажиллаж байна.
Тэрээр өнөөдөр Завхан аймгийн Донойн нисэх буудлын уулзвараас сумын төв хүртэлх 6.7 км хатуу хучилттай авто замын ажил, Улиастай сумын “Гудамж төсөл” -ийн хүрээнд хийгдсэн авто зам, гэрэлтүүлэг, явган хүний зам, гэрлэн дохио зэрэг ажлын бүтээн байгуулалттай танилцаж, холбогдох мэргэжилтнүүдтэй зарим асуудлаар санал солилцов.
Улиастай сумын “Гудамж төсөл”-ийг “Төгс зам” ХХК гүйцэтгэж, авто замын гэрэлтүүлэг, борооны усны шугам, авто замын гадна холбоо, инженерийн шугам сүлжээ хамгаалалт, гэрлэн дохио суурилуулах, авто зам, явган хүний болон дугуйн замыг байгуулжээ. Тус компани нь инженер, техникийн ажилчдаа орон нутгаасаа шалгаруулан ажиллуулсан байна.
Харин Доной нисэх буудлын уулзвараас сумын төв хүртэлх 6.7 км хатуу хучилттай авто замын зураг төслийг “Ар Си Эс” ХХК гаргаж, “Тэргүүн саруул зам” ХХК барилгын ажлыг гүйцэтгэж өнөөдрийн байдлаар асфальтбетон хучилтыг бүрэн хийгээд байгаа юм.
